سبتمبر 28, 2022

جريدة الحياة نيوز

رئيس مجلس الادارة : نسرين رمزي

“قلبي بينكوي”

ياسمين حافظ

ساكتة ليه ومش بتتكلمي 
ساكتة ليه وانتي دايما بتتألمي
كاتمة صراخك جواكي وبتولولي

يامصر قلبي عليكي بينكوي
من فساد معشس فيكي و حقوق بتترمي 
والخوف بقى ساكن ديارك 
والكل بقى فيكي بيفتري

حتى النفس صعبوه
عبوه في ازايز وباعوه 
و الفقير بقى فيكي بيستوي

و المريض فيكي ماسلمش
من الوجع في مرضه
ولا حساب مصاريف علاجه معرفش
وخسيس أعمى البصيرة
من غله ع أي حاجة بيفش

والظالم فيكي عايش بنفوذه ودايما بيفتري
إزاي شايفة كل ده ولسه بتسكتي
وأنا من حبي ليكي وخوفي عليكي
قلبي دايما بينكوي