سبتمبر 28, 2022

جريدة الحياة نيوز

رئيس مجلس الادارة : نسرين رمزي

طلاب كلية التجارة بحلوان يشتكون من الظلم في نتائجهم.. ورئيس الجامعة يرد متابعة دينا محمد

أرسل عدد من طلاب كلية التجارة جامعة حلوان، كثير من الرسائل التي يستغيثون فيها؛ لرفع ما وصفوه بالظلم عنهم في نتائج بعض المواد. 1

واتهم الطلاب إدارة الطلية وأساتذتها باضطهادهم وتعمد رسوبهم بشكل جماعي، في عدد من المواد مثل: « مبادئ علم السياسة، محاسبة تكاليف، مبادئ مراجعة، احصاء تطبيقي، محاسبة منشآت».

وننشر عدد من رسائل الطلاب التي تم إرسالها إلى موقع شبابيك عبر صفحة الطلبة على موقع التواصل الاجتماعي «فيس بوك»، والتي جاءت كالتالي:

شكوى الطلاب كما أرسلوها لموقع شبابيك
ياسيمن محمد: «لو سمحتوا اقفوا معانا طلاب جامعه حلوان نسبه سقوط غير عاديه والله العظيم».

بوسي نور: «السلام عليكم انا طالبة من جامعة حلوان بقالي تلت سنين فيها وبنعاني من الفساد الي فيها بسبب نسب السقوط العالية جدا انا كنت كل سنة بسكت عن حقي بنجح بس بشيل مواد ظلم بس انا السنة دي تالتة انتساب اقتصاد عيدوني السنة كلها علي تلت مواد ظلم مادتين تيرم اول ومادة تخلفات محاسبة سنة تانية وللاسف مديني نفس الدرجة بتاعت السنة تانية حرررام لما اعيد السنة علي تلت مواد وانا ف قسم صعب جدا تعب سنة كاملة يرووح علي مفيش وكمان لما بنعمل التماسات مش بناخد حاجة بيلموا فلوس وبس ياريت حضراتكوا تساعدونا».

محمد مصطفى: «انا طلب في جامعه حلوان كليه تجاره تالته انتساب تعرضنا لظولم تصحيح غير طبيعي في نتيجه هذا العام ولا يجد احد لمساعدتنا لكي ناخذ حقنا في هذه المواد جميع الطلبه راسبين في نفس المواد ونفس الدرجات ونحن لا حول لنا ولا قوه نرجو المساعده».

محمد نانا: «احنا ٣ محاسبه انتساب حلوان اتظلمنا في التصحيح وكنت عايد السنه علي ٤ وبعد اما عدت شيلوني ماده الترم الاول علي درجه وانا عملت تظلم رفعو النتيجه والترم التاني نجحوني فيها وشيلوني واحده تانيه، والدفعه نتائجها زي بعض في المواد اللي شيلنها».

محمد مجدي: «الدفعة بنسبة كبيرة شايلة اكتر من تلت مواد وبنفس الدرجات وتقريبا نفس المواد ده طبعا مستحيل، أحنا كنا صابرين علي النتيجة كتير علشان تطلع وفي الاخر طلعت بالشكل ده طب وبعدين، كل سنة نفس الدكاترة المعقدين يعملوا كدا في الامتحانات واللجان والتصحيح والدرجات، طبعا في ناس نجحت بس متستحقش ده والعكس برضه ومنقدرش نعمل حاجة في اللي حصل، اللي عاوزة اوصله ليكوا أن ده بسبب سكوتنا من الأول عليهم بس المفروض يا نكسر حاجز الخوف ده ونتجمع علشان نطلب حقنا يأما منزعلش بعد كدا من النتيجة، كل اللي طالبوه منكوا أي حد شايف نفسه أتظلم ينزل وأي حد يعرف حد أتظلم يعمله منشن لكل الناس علشان يعرف أننا عاوزين نتجمع في اليوم اللي الناس هتختاره ونروح للعميد بدون شغب علشان نوصل الفكرة وناخد حقنا بالله عليكم مستقبلنا بيضيع.. كلامنا لازم يوصل للمسؤولين في الجامعة».

هبة عامر: «كلية تجارة جامعة حلوان واقعين ف مشكلة بسبب الاهمال اللى في الجامعة ونص الدفعة عادت السنة والنص التاني شايل مواد ف ناس هيروح سنة من عمرها علشان تعيد السنة ع 3مواد لية مفيش سمر كورس زي جامعة القاهرة».

شاهر عادل: «السلام عليكم… لو سمحتوا انا بكلمكم بخصوص جامعة حلوان و الظلم اللي بيحصل في التصحيح و نسبة الرسوب العالية جدا و اللعب بحياة و مستقبل الطلاب هناك…. في نسبة رسوب عالية جدا و المواد اللي الطلاب بيشيلوها بتكون مواد معينه و درجات الرسوب فيها تقريباً واحدة فارجوا انكم تكتبوا و تنشروا الموضوع ده عشان في احد زملائي تواصل معاكم و قالنا كلنا نتواصل احنا كمان معكم.. شكراً لكم و ربنا يوفقكم».

تعليق رئيس الجامعة
بينما وعد رئيس جامعة حلوان الدكتور ماجد نجم، بالتعامل مع شكاوى الطلاب والتواصل مع كلية التجارة لمعرفة نسب النجاح وحل المشاكل التي تواجه الطلاب.

وقال في تصريح لموقع «شبابيك»، إنه سيتعامل مع الشكوى ويرسل للموقع نِسَب النجاح للفرقة الثالثة كلية التجارة جامعة حلوان بعد انتشار كثير من شكاوى طلاب تلك الفرقة عن النتيجة للعام الدراسي 2018-2019.