سبتمبر 28, 2022

جريدة الحياة نيوز

رئيس مجلس الادارة : نسرين رمزي

سمعت صوته .. بقلم ماجدة البهيدي

تلفوني رن عقلي وقف
سمعت صوته قلبي اتخطف
رديت وقولت ويايا مين
قالي انا حب السنين
مبقتش عارفة أقوله أيه
قلبي ده فاتني وطار عليه
معقولة انت رجعت تاني
يا فرحتي وفرحت زماني
أنت حقيقي بتنده عليه
اهدى يا قلبي اصبر شوية
والله واحشني من زمان
انا عقلي ده جاله جنان
ايوه كدة سمعني صوتك
كفاية اخرج بقى من سكوتك
بعدت عني والروح سابيتني
قرب تعال هاتها وخدني
عديت شهور فاتت ليالي
وانت بعيد عني يا غالي
العمر يجري عمال يفوت
كان نفسي اشوفك قبل ما اموت
تعالي جنبي وضمني
قرب حبيبي وحسيني
بعدك انا شوفت المرار
والقلب داب من الانتظار
كان قلبي يبكي وكله نار
بعدك ده ليل ومالوش نهار
ونوره بس من نور عينيك
والله حبيبي دانا كلي ليك
واحشتني وواحشني صوتك
وواحشني حتي لون عينيك
واحشني اسمي من شفايفك
واحشني نفسي بين ايديك
عارف حبيبي ندهت اسمي
والله ساعتها سيبت جسمي
مبقتش عارفة حتى اسمي
ولا حتى شكلي ولا ملامحي
اااه يا قلبي استنى حبة
بشويش عليا وحبة حبة
لما يتلاقه الاحبة
وتشبع عيوني لو بس حبة
قول يا حبيبي سمعني تاني
أنا كل حاجه فيك وحشاني
والله الزمان احلو تاني
لما فتحت و رديت عليك