أكتوبر 3, 2022

جريدة الحياة نيوز

رئيس مجلس الادارة : نسرين رمزي

“رجال مصر  الشرفاء” متابعة عصام الشحات

تحية لسيادة المستشار أحمد حامد ، رئيس نيابة أكتوبر
عرض عليه محضر إتجار في مواد مخدرة هيروين للتحقيق فيه والمتهم سائق تاكسي المحضر كان متقفل ميري وملكي، وما يخرش المية .

سواق اتمسك معاه هيروين، واللي مسكه رائد شرطة في الطريق وهو بالمناسبة شغال في إدارة الطرق والمنافذ بالجيزة
السواق شكله كان باين أنه ما يعرفش الفرق بين الهيروين وبودرة العفريت، فما كان من رئيس النيابة إلا انه مسك الخيط من أوله وفضل يضيق الخناق علي الشهود ثم ضابط الشرطة وازاي كان ماشي في الطريق وأخد باله أن السواق اللي في العربية اللي جنبه مخبي تذاكر هيروين .


ومن هنا لهنا اتضحت الرؤية
السواق بيشتغل علي عربية تبع مدرسة، بيجيب الأولاد من بيوتهم للمدرسة ويرجعهم تاني، وهو في طريقه، الباشا رائد الشرطة صعب عليه أنه يقفل عليه الطريق، فدخل عليه ووقفه وهات رخصك وطراخ طراخ انت ما تعرفش أنا مين .. أنا هوديك في داهية ..وهلبسك قضية مخدرات وسحبه على قسم أول أكتوبر .. وفي القسم المحضر اتعمل وصاية ما فيهوش غلطة علشان النيابة تحوله للمحكمة علي طول .


لكن إرادة ربنا أن الموضوع يروح عند الراجل المحترم ده .. اللي ما أهتمش بالمحضر ولا أهتم بأن اللي قصاده رائد شرطة يعرف بهوات وبشوات .. هو نفذ اللي بيمليه عليه ضميره .


إجري تحقيقا جنائيا عادلا لأثبات الأتهام أو نفيه وتكشف له من خلال التحقيق بعد سؤال محرر الواقعة والشهود أن القضية ملفقة وأن الضابط رائد شرطة قام بتلفيقها للسائق لمشادة طريق بينهما فأمر بصرف السائق من سراي النيابة مش بس كده وجه للضابط حبة تهم محترمين وحبس الضابط أربعة أيام عن وقائع حيازة هيروين وتزوير محضر رسمي وأستعماله فيما زور من أجله .